ރައްޔިތުންގެ މަޖިލީހުގެ މިނިވަން މުއައްސަސާ ތަކާ ބެހޭ ކޮމިޓިގައި އިންނަވައިގެން ޑީއާރުޕީގެ ތްރީލައިން ވިޕް އާއި ޚިލާފަށް ފަނޑިޔާރުންގެ ބިލަށް ވޯޓް ދިނުމާއި ލީނާ ޒާހިރު ޙުސައިން ސިވިސް ސަރވިސް ކޮމިޝަނަށް ހޮވުމަށް، މަޖިލީހުގެ ކޮމިޓީގައި ވޯޓް ދިނުމާއި ގުޅިގެން ޑީއާރުޕީގެ ފަރާތުން އަލީ ވަހީދު ކުޑަކަކޫ ޖައްސުވާލައި މާފަށް އެދުމަށް މަޖުބޫރު ކުރުވައިފި އެވެ. އަދި އަލީވަހީދުއަށް ޑީއާރުޕީގެ ފަރާތުން އައި ފިއްތުންތަކާއި ފުރައްސާރަ ތަކުގެ ސަބަބުން އަލީ ވަހީދުވަނީ މާފަށް އެދި ދުވަހަކުވެސް ތްރީ ލައިންވިޕާ ޚިލާފް ނުވާނެ ކަމުގެ ޔަޤީންކަން ޑީއާރުޕީއަށް ދީފައެވެ.
މައުލޫމާތު ލިބިފައިވާ ގޮތުގައި އަލީވަހީދު ޑީއާރުޕީގެ ތްރީލައިން ވިޕާ ދެކޮޅަށް މަޖިލީހުގައި ވޯޓް ލުމަށް ނިންމީ ޑީއާރުޕީގެ ކައުންސިލް އިން ނިންމާފައިވާ ނިންމުމަކާ ޚިލާފަށް ޑީއާރުޕީގެ ނައިބް ލީޑަރު އުމަރު ނަސީރާއި އިލްހާމް އަޙްމަދު އަދި އަލީ އާރިފް އެމްއެންބީސީ ވަން (ކުރީގެ ޓީވީ މޯލްޑިވްސްއަށް) އަށް 05 އޯގަސްޓް 2010 ވަނަ ދުވަހުގެ ރޭ އެރުމާއި އަދި އޭގެ ފަހުގެ ރެއެއްގައި މަހުލޫފު އެމްއެންބީސީ ވަންގެ ޕްރޮގްރާމެއްގައި ބައިވެރި ވުމާއި ގުޅިގެންނެވެ. ސަބަބަކީ ޑީއާރުޕީގެ ކައުންސިލް އިން ނިންމާފައިވަނީ އެމްއެންބީސީގެ އެއްވެސް މީޑިއާއަކަށް ޑީއާރުލީގެ ކައުންސިލްގައި ހިނެމޭ އެއްވެސް މީހަކު އިންޓަވިއު ނުދިނުމަށާއި އެމްއެންބީސީގެ އެއްވެސް މީޑިއާއެއްގެ ޕްރޮގްރާމަކަށް ޑީއާރުޕީގެ ކައުންސިލްގެ އެއްވެސް މީހަކު ނޭރުމަށެވެ.
މިގޮތަށް އެޕާޓީން ނިންމާފައި ވަނިކޮށް އެމްއެންބީސީގެ މީޑިއާ މެދުވެރިކޮށް ޑިއާރުޕީގެ ކައުންސިލް މެންބަރުން ފެނުމާއި ގުޅިގެން އަލިވަހީދު ވިދާޅުވެފައިވާކަމަށް ވަނީ އެބޭފުޅާއަށްވެސް ކުރެއްވޭނެ ބައިވަރު ކަންތައް ހުންނާނެ ކަމަށެވެ.
އަލީވަހީދު ވަނީ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީގައި ޑީއާރުޕީގެ ތްރީ ލައިން ވިޕް އާއި ޚިލާފަށް ފަންޑިޔާރުންގެ ބިލަށް ވޯޓް ދީ ނިންމާފައެވެ. އަދި ސިވިސް ސަރވިސް ކޮމިޝަނަށް ލީނާ ޒާހިރު ހުސައިން އައްޔަން ކުރުމަށް ކޮމިޓީގައި ނިންމުމާއި ގުޅިގެން ތަސްމީނު ވިދާޅުވި ވިދާޅުވުމަކަށް ރޮޒެއިނާ އަލީ ވަހީދު ކައިރީގައި ލީނާ ޒާހިރު ހުސައިންގެ ނަން ކޮމިޓީން ފެއިލް ކޮށްލުމަށް އެދުމުން ރޮޒޭނާ އަކީ ޑީއާރުޕީގެ ނައިބް ލީޑަރަށް އަމުރު ކުރަން ކާކުތޯ ސުވާލު ކުރުމަށްފަހު ރޮޒޭނާ ސައިޒްގައި ހުރުމަށް ވިދާލޫވެ ރޮޒޭނާއާ ވަރަށް ހުތުރުބަހުން އެއްޗެތި ވިދާޅުވެފައެވެ. އަދި ތަސްމީންއަށް އަލީވަހީދު އާއި މުއާމަލާމާތް ކުރަން ނުކެރިގެން އުޅޭނީ ކީއްވެތޯ ސުވާލު ކުރުމަށްފަހު ވަރަށް ބޮޑަށް ތަސްމީން އަށް ވަރަށް ބޮޑަށް ފާޑު ވިދާޅުވެފައި ކަމަށް ކޮމިޓީގެ މެންބަރެއްގެ ފަރާތުން ވަނީ މައުލޫމާތު ލިބިފައެވެ.
މިހުރިހާ ކަމެއް ހިނގާ ދިއުމަށްފަހު ޑީއާރުޕީގެ ކައުންސިލުގެ ފަރާތުން އަލީވަހީދަށް ކުރުމަތި ކުރުވި ފިއްތުން ތަކުގެ ސަބަހުން އަލީވަހީދު ވަނީ ޑިއާރުޕީގެ ތްރީ ލައިން ވިޕާ ޚިލާފަށް އެޕާޓީގައި ހުރިހާ ހިނދަކު ވޯޓް ނުދޭނެ ކަމުގެ ޔަޤީން ކަމާއި ޕާޓީންވެސް ނުކެނޑޭނެ ކަމުގެ ޔަޤީންކަންވެސް ދެއްވާފައެވެ. އަދި އެކަމަށް މާފުކޮށްދިނުމަށް އެދި ޕާޓީގެ ކައުންސިލްގެ ކިބައިން އެދި ވަޑައިގެންފައެވެ. އަދި އަލީވަހީދަށް ކައުންސިލް އިން މާފު ކުރުމަށްފަހު އެކަން ޕާޓީއަށް ގެންލިގެން ދިޔަ 'ބައި" އަނބުރާހޯދުމަށް އަލީވަހީދު ގިއަރެއް ކުރިއަށް ޖައްސާލަ ދިނުމަށާއި މިހާރު އެމްޑީޕީގެ ފަރާތުން ޖާސޫސް ކުރުމަށް މިހާރު އަލީ ވަހީދުއަށް ފަސޭހަވާނެ ކަމަށް ވިދާޅުވެ އެކަން ކޮށްދިނުމަށް އަލީ ވަހީދުގެ ކިބައިން އެދިވަޑައި ގަތުމާއި ގުޅިގެން އެކަމަށް އެކަމަށްވެސް އެއްބަސްވެފައެވެ.
